නිවාස සංවර්ධන අධිකාරිය විසින් දැනට ආරම්භ කර ඇති නිවාස ව්‍යාපෘතිවල වර්තමාන තත්ත්වය පිළිබඳ විශේෂ සාකච්ඡාව
නිවාස සංවර්ධන අධිකාරිය විසින් දැනට ආරම්භ කර ඇති නිවාස ව්‍යාපෘතිවල වර්තමාන තත්ත්වය පිළිබඳ විශේෂ සාකච්ඡාවක් නාගරික සංවර්ධන හා නිවාස රාජ්‍ය අමාත්‍ය තේනුක විදානගමගේ මහතාගේ ප්‍රධානත්වයෙන් අමාත්‍යංශ ශ්‍රවණාගාරයේදී අද (20) පැවැත්විණි.
එහිදී ඔබට ගෙයක් – රටට හෙටක්, මිහිඳු සෙවණ, විරු සුමිතුරු, සියපත නිවාස ව්‍යාපෘතිය, මධ්‍යම පාන්තික නිවාස ව්‍යාපෘතිය, රිජන්සි පාර්ක් නිවාස ව්‍යාපෘති ඇතුළු නිවාස ව්‍යාපෘතිවල වත්මන් ප්‍රගතිය පිළිබඳව මෙහිදී රාජ්‍ය අමාත්‍යවරයාගේ අවධානය යොමු විය.
නාගරික සංවර්ධන හා නිවාස අමාත්‍යංශයේ අතිරේක ලේකම් (නිවාස හා ඉදිකිරීම් අංශය) කීර්ති රංජිත් අබේසිරිවර්ධන, අධ්‍යක්ෂ ජනරාල් (ක්‍රමසම්පාදන) අනෝමා විජේරත්න, ජාතික නිවාස සංවර්ධන අධිකාරියේ සභාපති රජීව් සූරියාරච්චි, සාමාන්‍යාධිකාරී කේ.ඒ ජානක යන මහත්ම මහත්මීන් ඇතුළු නිළධාරීන් පිරිසක් මෙම අවස්ථාවට සහභාගී වූහ.
