නාගරික ජනාවාස සංවර්ධන අධිකාරියේ ප්‍රගති සමාලෝචන රැස්වීම
නාගරික ජනාවාස සංවර්ධන අධිකාරියේ ප්‍රගති සමාලෝචන රැස්වීම නාගරික සංවර්ධන හා නිවාස රාජ්‍ය අමාත්‍ය තේනුක විදානගමගේ මහතාගේ ප්‍රධානත්වයෙන් අමාත්‍යංශ ශ්‍රවණාගාරයේදී අද (22) දින පැවැත්විණි.
මෙහිදී මෙම අධිකාරියේ ව්‍යුහය සහ ක්‍රියාපටිපාටිය, ආයතනයට අයත්වන අංශ, ආයතනය විසින් දැනට ක්‍රියාත්මක කරනු ලබන නිවාස ව්‍යාපෘති හා අනෙකුත් ව්‍යාපෘති සහ ඉදිරියේදී සිදු කිරීමට සැලසුම් කර ඇති ව්‍යාපෘති සම්බන්ධයෙන් නිළධාරීන් විසින් රාජ්‍ය ඇමතිවරයා දැනුවත් කෙරිණි.
නාගරික සංවර්ධන හා නිවාස අමාත්‍යංශයේ අතිරේක ලේකම් (නිවාස හා ඉදිකිරීම්) කීර්ති රංජිත් අබේසිරිවර්ධන, අධ්‍යක්ෂ ජනරාල් (ක්‍රමසම්පාදන) අනෝමා විජේරත්න, නාගරික ජනාවාස සංවර්ධන අධිකාරියේ සභාපති ප්‍රියන්ත රත්නායක, එහි අධ්‍යක්ෂ ජනරාල් විජයානන්ද හේරත් යන මහත්ම මහත්මීන් ඇතුළු නිළධාරීන් පිරිසක් මෙම අවස්ථාවට සහභාගී වූහ
